Chelsea erindiridde okuteeba goolo 6 omulundi gwaayo ogwokusatu mu luzanya lw’omulundi gguno nga bakyaaza lunyegenya Stoke City olwegulo lwa leero.

Ba nantameggwa ba Bungereza  baakuba goolo 6 ku kiiso West Bromwich Albion ne Wigan Athletic, nga ba kuzaako Ababuumbi ku at Stamford Bridge.

Oluuyi lwa Carlo Ancelotti bakateeba goolo 29 nga tewali abanukudde mu mipiira 5 egya liigi era ng’omutendesi ono yekakasa nti ne Stoke naye eyengedde  ng’era bagenda ku ginoga.

Didier Drogba, Florent Malouda ne Nicolas Anelka bakateebako 8 kw’ezo e 12 Chelsea zeyakateeba era ng’abasatu bano besuunga okutulisa Stoke eyafuka bakimpe nkyekubire, ate nga banantamegwa bagikuba  7 ku 0 ewaka waabe mu  May.

Ng’abawuwutanyi bano bwebeyongera omutindo n’asamba wakati John Obi Mikel yatandise n’amanyi ekyawadde abalwaanyi b’ Ancelotti okugenda mu maaso. Ne Ramires  eyakagulibwa obukadde bwa pawundi 18, asubirwa okusamba omupiira gwe ogusooka.

Chelsea erina goolo 12 mu mipiira gya Premier League ebiri egyisoose naye nga sibeboka abateebi abakabi.

Ne Arsenal ya baaga Blackpool emirundi 6 ku Emirates wiki ewedde era ng’esubiira okuddamu ekintu ky’ekimu eri Blackburn Rovers mu gwa leero.