Omutendesi wa Manchester United, Sir Alex Ferguson asiinyizza Wayne Rooney ku ky’okusukkuluma ku Sir Bobby Charlton ng’omuteebi wa kirabu eno akyasinze.

Oluvannyuma lw’okuwakanya okubuusabuusa kwa Feguson wamu n’okussa omukono ku ndagaano ey’emyaka 5, Rooney alabika nga mukakkamu.

Kino kyeragira mu ngeri emyansa gyeyatandikiramu sizoni eno bweyateeba ggoolo  mu mipiira 7 bweyali tannasalibwako buvune bweyafuna wakati w’omwezi oguwedde obwamukuba wansi okubala wiiki 2.

Wabula kati Rooney ali katebule era nga yayolekedde gwa ggwanga lye ne Montenegro.

Era ku kino Ferguson kwasinzidde okuteebereza nti omuteebi ono asobolera ddala okuyisa likodi ya Charlton mu kuteeba ggoolo.