Enkolagana wakati wa Uganda ne South Sudan eranze ne muby’emizannyo nga kati ekibiina ekiddukanya omuzannyo gw’ensero (Federation of Uganda Basketball Federation)-FUBA kiyise kirabu ya S. Sudan eyitibwa Bilfam Basketball Club mu mpaka ezinayindira mu Kampala.

Mu bbaluwa eyawandiikiddwa amyuka omukulembeze wa FUBA Patrick Bernard Ogwel, ekibiina kiroonze ennaku z’omwezi nga November 11-20 okuzannyirako egy’omukwano ne  Southern Sudan.

Ogwel  agaseeko nti okuzannya ne tiimu ensufu 4 kijja kuyamba tiimu ya Uganda okwetegekera empaka za MTN ez’okubawo mu November 21 ne December 15.

Ogwel agambye nti basuubira nga enkolagana eno ejja kwongera okunywezebwa.

Mu  July South Sudan bweyafuna obwetwaze yayita tiimu ya Uganda mu muzannyo guno ku nzannya ebiri mu Juba, abategesi baasasulira buli kintu n’entambula nga bakozesa ennyonnyi ya Air Uganda.