Mayanja mugumu ku kya Cranes okuyitawo
Monday, 31 October 2011 06:38 | Last Updated on Tuesday, 30 November 1999 00:00 | 
Written by Administrator | 
| 
| 
Amyuka omutendesi wa Cranes, Jackson Mayanja agambye nti Cranes yeetaaga kubeera bumu bw’eba yaakukuba Congo Brazaville gy’egenda okuzannya mu luzannya olusooka olw’okusunsulamu abalizannya eza Afrika mu 2013.
“Bannayuganda baali baweddemu essuubi naye singa tuddamu okuba obumu, Congo Brazaville tujja kugiwangula.” Mayanja bwe yategeezezza eggulo.
Omutendesi wa Cranes, Bobby Williamson yagenda kulaba ku famire ye mu Scotland, gy’anaava okutwala Cranes mu LG Four Nations Cup e Morroco omwezi ogujja.
Wabula Frank ‘Video’ Anyau omutendesi wa ttiimu y’abatasussa myaka 20, eyazannya ku Congo, alabudde Cranes okwerinda Abacongo, abazannya ennyo omupiira gw’emifumbi n’okwesalaasala.
Mu nsengeka za FIFA, Congo eri mu kya 138 era mu kusunsulamu abalyetaba mu za 2012 yawanguddeyo emipiira ebiri gyokka.