Omuzannyi wa tiimu ya Liverpool Luis Suarez awereddwa okusamba omipiira 8 n’akaligibwa n’ensibi za euro £40,000 ekitongole ekiddukanya omupiira ekya Football Association olw’okwesigama ku busosoze n’avuma munne Patrice Evra.

Omuwuwuttanyi yadde akyasobola okujulira yakaligiddwa ekitongole kya FA Independent Regulatory Commission.

Evra yategeeza TV ya Bufalansa nti yavumibwa omuvubuka ono enzaalwa ya Uruguay enfunda 10 mu mupiira gwe baazanya ne Manchester United Liverpool bweyagikyaza ku Anfield nga October 15.

Ye Suarez yali yegaanyi omusango guno era nga ne tiimu ye eya Liverpool emuwolereza.

Abazannyi bombi bwebaayogerako eri abakungu ba FA mu kunoonyereza , Suarez mu kwewozaako yategeeza nga bweyali tamanyi nti olulimi olukozesebwa ewabwe e Uruguay lutegeeza busosoze e Bulaaya.