Essuubi lya Steve Kean ery’okusigala nga yali mu mitambo gya Blackburn lyeyongedde okusebengerera Bolton bweyagikwakuddeko obubonero 3 mu mupiira mweyagiwuttulidde eggoolo  2-1, olwo ye Owen Coyle n’assa ekikkowe.

Rovers yasobodde okwegaganula n’edda mu lwokaano mu ddakiika ye 67, Junior Hoilett bwe yawamatuse n’awereza  Yakubu omupiira ono n’asobola okuteeba.

Wadde nga emikisa gyeyolese mu ddakiika ezasembyeyo Wolves baalemeddwa okuteeba ggoolo endala olwo Bolton n’esereza ng’agenda emugga ng’edda waggulu yo Blackburn n’egenda kulira Kulisimansi mu kifo ekisemberayo ddala.