Israel Kayonde, nga y’avunanyizibwa ku by’okulonda mu kibiina kya NRM akubiidwa akabinja k’abawagizi abavudde mu buntu, obusungu nga bubayitiridde bwebategezeddwa nti okulonda kw’abanakwatira ekibiina kino mu masekkati ga Kampala kwongezeddwayo.

Ebikumi n’ebikumi by’abawagizi ba NRM beyiye ku ofiisi z’ekibiina e Kamwokya, mangu ddala nga Kayonde abategezezza nti okulonda kwongezeddwa yo.
Bbona nga bajjudde obusungu basabye okumanya lwaaki obupapula olondebwako obumu bwalabiddwako, ate nga n’amanya g’abalonzi mu tegali ku nkalala z’ekibiina.
 

N’obukakkamu obw’ekitalo, Kayonde anyonnyodde nti senga obukyaamu obuli mu nkalala tebukolwaako bwandireese akateebe mu kulonda. Ayongedde n’ategeeza nti akakiiko k’ebyokulonda kasazeewo kayimirize okulonda okusobola okutereeza ensobi ezibaddewo.

Abawagizi obusungu bubeyongedde omu ku baloonzi bwagyeeyo olupapula olwokyemu olulaga ebifo 5 ebirondebwamu mu Kampala ewabiddwa obupapula obulondebwako.

Abaloonzi bagamba nti akakiiko k’ebyokulonda mu kibiina kino kekobaanye ne Godfrey Nyakana, ssentebe wa LC 3 ne Francis Babu, ayagala okuvuganya ku bukiise bwa Kampala mu palamenti ne babba obululu.

Kayonde abadde akyanyonnyola bino, newabaawo amusise nagwa nebamukuba bubi nnyo. Tekibamalidde kwekumusuka mu ofiisi ne bamusibirayo.
Owa poliisi aze okumutaasa naye bamukubiddeko olwo omu ku bawagizi abadde n’emmundu n’eyefuga offiisi omusibiddwa Kayonde.

Tekinategerekeka ddi okulonda kuno lwekunabawo.