Minisita avunanyizibwa ku mazzi n’obutonde bw’ensi, omukyala Maria Mutagamba aatongozza ekiwayi kya polisi ekigenda okukwasisa amateeka agakwatagana n’obutonde bw’ensi.

 

Bino minisita abyogeredde ku ssengejjero ly’amawulire ga gavumenti ku Media Centre mu Kampala. Mu kwogerakwe alabudde abantu bonna abesenza mu ntobazi n’ebibira, abanywera segereti mu bifo eby’olukale n’agabenda nga basuulasuula ebiveera, nti kati basaanye balye kamanye ng’akoza n’owebbwa, kubanga bajja kuvunaanibwa mu mbuga z’amateeka.

 

Ekitongole kya polisi kino ekiweramu b’ofiisa 150 kigenda kuduumirwa kamisona Taire Idhwege, era nga kyakubeeranga n’emmeeza ezetongodde ezikola ku nsonga z’obutonde bw’ensi. Mu ngeri y’emu watekeddwawo n’ennamba y’essimu eyetongodde okusobozesa a abantu mu bitundu by’eggwanga eby’enjawulu okulonkomanga abo bonna abeesenza mu ntobazzi, abasima omusenyu, abatema ebibira . Ennamba eno eri 0800110011.

 

Minisita era ategeezezza nti bagenda kusoka kusomesa abantu amateeka gano, olwo polisi egende okutandika ogwayo nga tewali yeekwaasa