Ekitongole ekivunanyizibwa ku kubalirira emiwendo gy’ebintu mu ggwanga ekya Uganda National Bureau of Statistics kitegeezezza nga bwewabaddewo okuka kw’ebbeyi y’ebintu mu mwezi gwa Desemba okuva ku bitundu 29 ku buli 100.

Bino byogeddwa omu ku bakulu mu by’embalirira Musoke Vincent bw’abadde awa alipoota y’omwezi guno, wali ku kitebe ky’ekitongole kino mu Kampala.

Agambye nti emiwendo gy’emmere gyisse okuva ku bitundu 40.3% okutuuka ku bitundu 34.7% naddala ku mmere nga amatooke, lumonde, obumonde, n’emboga.

Wabula agaseeko nti enguudo embi, endwadde mu bisolo n’obuwuka obulya emmere byebimu kubiviridde emiwendo gy’emmere okweyongera ennyo omwaka guno gwetumalako.