Abalwadde abatwalibwa mu ddwaliro lya gavumenti eya  Bukakata Health Center III erisangibwa e Masaka bennyamivu olw’embeera y’ebyobuyonjo  n’ebbula ly’obuyumba obukyamirwamu ku ddwaliro.

Eddwaliro lya Bukakata health center III lirina obusobozi bwakukola ku bantu 2o bokka , kyokka liririwo okuwereza abantu abava ku mwalo gw’e Bukakkata ne disitulikiti y’e Kalangala yonna.

Wabula zi kabuyonjo z’eddwaliro lino zajjuladda era ng’abavubi b’omu ggombolola y’e Bukakkata bavunaana Masaka ne Kalangala olw’okulemererwa okuzimba kabuyonjo ezimala okukozesebwa abalwadde abakozesa eddwaliro lino.

John Kiberu, omuvubi woku mwalo gw’e Kachanga yategeezeza nti omubaka wa Masaka omukyala Freda Mubanda, nti obulamu bwabwe buli mu matigga olw’obukyafu obuyitiridde ku ddwaliro lya gavumenti ery’e Bukakata health center. Omubaka yabadde mu kulambula ggombolola y’e Bukakata okusobola okwerabirako n’amaasoge ku mbeera eno.

Omubaka yakizudde nti ekizibu kino kituuse n’okuwaliriza abajanjabi okwetewululiza mu kisiko ekiriraanyewo, era n’asaba ab’obuyinza mu disitulikiti y’e Masaka baveeyo bunnambiro bakinogere eddagala  nti kuba kyandivaako ebirwadde ng’omusujja gwomubyenda n’ekiddukano okubalukawo.