Poliis mu kibuga Mityana evuddeyo n'elabula abagoba b'ebidduka abegattira mu kibiina kyabwe ekya Nsangabisibe Transporters Association okugoberera amateeka agabafuga mu kibiina saako n'amateeka ag'eggwanga.

Jopyson Balinda ono nga y'akulira poliisi n'omuntu wabulijjo agambye nti ba dereeva bano balina nabo akuba n'ebisaanyizo saako n'okwewala okutikka obubindo n’eby'amaguzi ebimenya amateeka.
Abadde asisinkanye badeereva bano ku kifo webakolera mu kibuga Mityana okutema empenda ez'okwongera okukwasisaamu empisa ku mulimu gwabwe okusobola okugutambuza obulungi.

Ssentebe w'ekibiina kino omulongo Paul Kato asiimye baddereva bano olw'okukomya empisa ensiwuufu ezaali zibaluseewo gy’ebuvuddeko.