Omupolisi akolera e Koboko yasindikiddwa mu kkomera ly’e Gbukutu olw’okukwata omwana atanetuuka n’okujja ensimbi ku bantu ng’akozesa obukujjukujju.

 

Vicky Okuonzi, 54, nga yakulira polisi y’e Koboko police station, yeyakwatiddwa olw’okusobya ku mwana ow’emyaka 15.

Omwogezi wa polisi mu West Nile Josephine Angucia, agambye nti abapolisi abalawuna baasisinkanye omuwala ono ng’asobeddwa nga bwanoonya bakaddebe olwo ne basalawo okumukuumira ku polisi.

 

Kigambibwa nti Okuonzi yatwala omuwala ono okuva mu bakadde be ng’abategeezezza nti agenda kumusasula amukolere nga hawusi galo ku mitwalo 3 (30,000).

Polisi era yagambye nti, Okuonzi alina ssente ezitamanyiddwa muwendo zeyasaba abaagala okwegatta ku kuyamba polisi mu kutangira obuzzi bw’emisango oba sikyo teyandibawandisizza.

Okuonzi kyeyavudde akwatibwa n’asimbibwa mu maaso g’omulamuzi w’eddala ery’okubiri e Koboko ayanukule emisango gyombiriri era oluvannyuma n’asindikibwa mu kkomera ry’e Gbukutu okutuuka nga February 8, 2012.