Minisita w’ebyokwerinda era nga y’omu yewa Kampala, Muluri Mukasa asabye abantu bonna abasaba nti dayirekita wa KCCA ku bya pulani George Agaba agobwe era asibwe babe baguminkiriza ng’okunoonyereza kugenda mu maaso ku ky’okukuba amasasi mu bantu b’e Luzira.

Kino kiddiridde abakuumi b’Agaba okukuba abantu babiri amasasi nebafirawo bweyali ng’aliko amayumba g’amenya e Luzira wiiki ewedde.

Muluri ategeezezza bannamawulire ku palamenti nti Agaba yagobeddwa mu KCCA nga polisi bwenonyereza ng’ebirala bijja kukolebwa oluvannyuma lw’ekyo.

Agambye nti fayilo y’Agaba eri wa DPP okukakasa nti obw’enkanya bukolebwa mu musango guno. Kuno kwagasse nti bannakampala tekibetagisa kwekalakaasa kubanga Agaba akkirizibwa okweyimirirwa.