Abantu 2 battiddwa abateeberezebwa okuba abajaasi b’abayisiraamu bwebaalumbye ekkanisa eyitibwa East African Pentecostal Church mu bukiika ddyo bwa Kenya.

Kino kyongedde okutya mu bantu olwobulumbaganyi obukolebwa ku bakristaayo mu ggwanga lino.

Ss’abapoliisi w’e Kenya Leo Nyongesa yategeezezza nti omukyala omu n’abazukulu babiri nabo baalumiziddwa oluvannyuma lwa ka bbomu akomungalo okukasukwa mu lujja lw’ekkanisa eno esangibwa mu kitundu ky’e Garissa ekifumbekeddemu abasiraamu.

Omusumba w’ekkanisa eno Ibrahim Makunyi, yategeezezza nti abaafudde kuliko abadde omuyimbi ne mutabani w’omukadde w’ekkanisa.