Emyaka gyetolodde ng’ekitundu ekiyitibwa Mindinao mu maserengeta ga Philippines kiyindiramu emmundu wakati w’abakulisitaayo n’abayisiraamu.

Abayekera abaagala eggwanga lino libere ly’abasiraamu bokka balwanyisa gavumenti eriko, wabula ng’olutalo luzingiddemu n’abantu babulijjo.

Wabula yadde ng’ebizibu bingi byetolodde ekitundu kino, ababulizi b’enjiri ab’ekibiina kya Eternal Life International bakola butaweera n’amakanisa okutuusa enjiri n’eri abalwanyi abasiraamu. Wamu basobodde okukola enkung’aana ezikowoola abantu eri emirembe ate n’okuwonyezebwa mu Philippines.

Kyokka ku mulundi ogumu abatujju b’abasiraamu baategulula bbomu 3, emu n’ebwatukira ku ssomero ewali wakubiddwa olukung’aana. Naye omukulembeze w’ekibiina kino Howard Ferris,mukakafu nti Katonda ajja kumaanga abantu bano abatambuza enjiri y’obulokozi.

Yagambye nti "babulira Yesu omwana wa Katonda, oyo eyafa ku lw’ebibi bya buli omu.” Era lumu baayita abagala okuwa obulamu bwabwe eri Yesu genero w’amagye g’abasiraamu n’ayimuka n’omulwanyi wa Mujahideen ne basaba nga baatula nti  Isa Almasih, Yesu Kristo, nga omulokozi era Mukama.

Okuva olwo Howard abadde nga adding’ana e Mindanao okubulira enjiri ng’awonya n’abalwadde, era ku lukung’aana olumu abakulisitaayo baatabagana n’abasiraamu abalwanyi ba Mujahideen.