Abantu abakkiririza mu Yesu Kristo bebali mu nzikiriza esinga obunene ku nsi era ng’ebunye ensi yonna mu kyasa ekyakaggwa, okusinziira ku alipoota eyafulumiziddwa era nga n’abamu ku bakulisitaayo basing’anibwa mu bifo gye batasuubirwa.

Bungereza yeyali enzibuko y’enzikiriza eno okumala emyaka nga kikumi naye leero Amerika erina ekitundu kimu kyakusatu ku bakrisitaayo mu nsi omuli obukadde 247 n’eddiirirwa  Brazil ne Mexico.

China naye eri mu nsi ekumi ezisiinga okubaamu abakulisitaayo abasubirwa okukunukkiriza obukadde 67.

Abakulisitaayo mu nsi yonna bawerera ddala obuwumbi 2.2, kino nga kimu kyakusatu ky’abungi bw’abantu mu nsi.

So nga abayisiraamu bakwata kyakubiri n’obuwumbi 1.6 obw’abagoberezi.

Amawanga agasangibwa mu maserengeta g’eddungu Sahara gegasinze okubamu omuggungu gw’obukulisitaayo nga kati bawera obukadde 516 okuva ku 9 obwalimu mu mwaka 1910. Mu mawanga gano Nigeria, Democratic Republic of Congo ne Ethiopia gegasinga okubaamu abangi.