Ss’abalabirizi w’ekkanisa ya Uganda Henry Luke Orombi alagidde wabewo okulondebwa kw’anamuddira mu bigere kubanga ye ayolekedde okuwummula.

Okulonda kuno kwakubaawo mu mwezi gwa June 2012 era nga kwakukolebwa olukiiko lw’abalabirizi (House of Bishops), olwo aliba alondeddwa alituzibwa ku ntebe mu Desemba era omwaka guno.

Orombi yalondebwa mu July 2003 era yalayizibwa nga ss’abalabirizi nga 25 January 2004.

Ba ss’abalabirizi bano bawereza ekkanisa ebbanga lya myaka 10 era nga batekeddwa okulekerawo okuwereza ku myaka 65 oba ku nkomerero ly’ebbanga eryo, kyonna ekiba kisoose.

Emyaka gy’ekisanja ky’omulabirizi Orombi kyandiweddeko mu January 2014, naye yawezezza emyaka 65.