Omukulembeze w’Abakatolikki agambye nti gavumenti y’Obama eyitirizza okuvoola ssemateeka.

Ss’abasumba Timothy Dolan ow’e New York era nga alindirira okutikkirwa Papa Benedict kubwa Kadino, yeyayogedde bino n’ategeeza nti White House enfunda ziweze nga ssemateeka emutwala kifuula nnenge nga n’ekikyasembyeyo kekakwakkulizo akawereddwa ebitongole ebiddukanyizibwa ekkanisa oba eklezia okusasulira abakozi babwe eby’okugema okuzaala.

Dolan bweyabuziddwa oba teyakkiriziganyiza ne pulezidenti Obama ku mulamwa gweyannyonnyoledde e New York, yakakasizza nti kituufu bayawukanye mu ndowoza.

Yagambye nti tekiri ku kukugira bantu kuzaala wabula ku ddembe ly’endowoza y’omuntu omu. Yagaseeko nti gavumenti terina lukusa kuyingirira nzirukanya n’enjigiriza ya klezia.

Dolan yafulumizza n’akatambi k’ebifaananyi ng’akunga abakatoliki bawakanye akakwakkulizo kano.

Eklezia ewakanyizza ddala eby’okwegema okuzaala ng’okumira amakerenda kyenkanankana n’okugyamu olubuto.

Abakugu mu mateeka bateebereza nti wandibalukawo olutalo lwomu kkooti ssinziggu wakati wa dayosisi ne gavumenti ku nsonga eno.