Uganda Peoples Congress (UPC) nga ky’ekimu ku bibiina by’obufuzi ebikola omukago gwa Inter-Party Cooperation (IPC) eguvuddemu olw’ensonga z’egamba nti tezebereka.

UPC esubirwa okulangirira okusalawo kwayo kuno leero oluvanyuma lw’olukungaana lw’ekubye mu Christ the King Conference Hall.
Okusalawo okuva mu mukago kwatukiddwako oluvannyuma lw’olukungaana lw'abakulembeze b’ekibiina olwatudde wiikendi eyakaggwa.

Enjawukana mu mukago wiiki bbiri eziyise ku ngeri y’okulwanyisa mu ekitongole ky’ebyokulonda yeyavuddeko UPC okwabulira.
UPC yo yabadde eyagala ab’omukago baleme kwetaba mu buli kikolebwa akakiiko k’ebyokulonda kyokka nga ab’omukago abalala bbo baagala kugenda mu maaso n’enteekateeka z’ebyokulonda kw’omaaka ogujja nga bwebalwanyisa n’ekitongole ky’ebyokulonda mu kaseera ke kamu.

Omukulembeze wa UPC Olara Otunnu yategezezza ku Lwomukaaga nti ensonga y’omukago, kwe kugyawo akakiiko k’ebyokulonda kubanga tekasobola kuteekateeka kulonda kwamazima na bwenkanya.

Naye ssentebe wa IPC ate nga ye mukulembeze wa FDC, Kizza Besigye, ye yakakasizza nti ebirala byonna basobola okubiteesako naye sikuvva mu lwokaano. Nti bayinza okulwanyisa ekitongole ky’ebyokulonda nga bwebetegekera okulonda. Yayongeddeko nti enkyukakyuka mu kakiiko kano esobola okubawo nga okulonda tekunaba.

Ensonda zategezezza nti obudde buyiise UPC okwekyuusa kubanga IPC emmaliriza leero kakuyegge era nga balonda nkya anabakikirira.

Enkayana zigambibwa okuba nga zavudde ku UPC butakiriziganya ne FDC nga y’esukulumye mu mukago guno, gyevunanna obutaba na bwenkanya era n’okuwamba omukago olw’okutukiriza ebirubirirwa byaayo.


Wabula abatunirizi mu by'obufuzi bagambye nti ekya UPC okwabulira kijja ku kosa nnyo omukago nti era ekwesowolayo yoka kijja kuyuzzamu oludda oluvuganya gavumenti. Prof. Golooba Muteebi bweyategezza.