Polisi mu Arua eriko musajjamukulu ow’emyaka 25 gw’ekutte olw’okutirimbula amabujjege ababiri bweyagasibyemu emiguwa n’agawanika.

Jamal Abdallah, omutuuze mu kibuga ky’Arua ye yasse Kassim Econi 5, ne munne Majid Bayo 3.

Ekikolwa kino kitabudde balilanwabe mu Tanganyika Ward mu munisipaali y’Arua era omu ku bo, Saphina Bako, agambye nti bino nga tebinnabawo abaana bano babadde babeera ne jjajja wabwe ku kyalo Jiako  mu ggombolola y’e Dadamu.

Kyokka Abdallah abanonyeyo ng’agamba ayagala kubeera nabo kyokka mu ttumbi yabakutte n’abettira.

Omusajja ono yayawukana ne nnyina w’abaana bano omwaka gumu oguyise. Wabula kitaawe era jjajja w’abaana,  Abdallah Asiki olw’obusuungu obungi ate nga yaliko omujaasi ategeezezza nti mutabaniwe asanira kufa. Yegayiridde abapolisi bamuwe emmundu amwettire kubanga omutemu naye asana kuttibwa.

Obia agaseeko nti kalibutemu amazze neyeggalira mu kaddukulu ka polisi neyewayo akole sitatimenti.