Ab’obuyinza mu ggombolola y’e Namalu mu disitulikiti y’e Nakapiripirit bakonkomadde n’abantu abawerera ddala 300 abaagobeddwa mu maka gaabwe ba ssenkulu b’amakomera.

Baagobwa ku ttaka erigambibwa nti kitundu ku ttaka ly’ennimiro z’amakomera  ezisangiba mu muluka gw’e Kaiku.

Ssentebe w’eggombolola y’e Namalu Peter Lemukol,agambye nti abantu bano abaakoseddwa bagumbye bute mu byalo by’e Lokudud ne Lomorimor gyebali mu mbeera eyungula ezziga ng’abobuyinza mu kitundu ekyo tebalina nanteekateeka yakubafunira wakubeera nga n’oluwuzi balusibidde ku kitongole kya German Non Governmental Organization-GIZ.

Abamu ku babundabunda bano, bagyibwa ku nguudo za Kampala ne batwalibwa e Kawac, kyokka nga kati baagobeddwawo omusuubuzi ayitibwa Cornelius Kodet.

Lemukol annyonnyodde nti Kodet yabalagidde bamuke mangu ekibanja kye mwebabadde baasimba bu weema. Asaba gavumenti eddukirire abantu bano ng’ebagatta ku lukalala lw’abo abagenda okuyambibwa n’ebyokulimisa.